Volver a la Pantalla Principal
Volver a la Pantalla Principal
CronoloxíaPreguntes y respuestesFundación Muséu de la TonadaFuturu
antes de 18001800 - 18491850 - 18991900 - 19491950 - hoy
1950
Fórmase’l Coro Minero de Turón, vinculáu a Hulleras de Turón, siendo’l primer director l’hermanu Ginés de La Salle.

Muerre Severino García Torre, maríu d’Obdulia González Zapico, nun accidente na mina María Luisa, a la edá de trenta años.

16 de marzu de 1950
Muerre Claverol a los 58 años d'edá.
 
1951
Muerre a los 41 años d'edá Josefina Fernández Álvarez ensin dexar dengún discu grabáu. El so modelu de cantadora fuera La Busdonga y los aficionaos siempre citen como inigualables les sos interpretaciones de Carromateros, A la salida del Sella y Cada vez que voi a Uviéu.

El Coro Santiaguín algama’l quintu puestu nel Festival de Llangollen, en Gales. Por mediación d’Eduardo Martínez Torner, d’aquella esiliáu en Londres, graben pa la BBC una amuesa de canciones.
 
1952
Muerre na so ciudá natal d’Uviéu Enrique Cienfuegos Martínez, Quin el Pescaor, a la edá de 58 años.
Naz Mariceli Fernández Palacio, n’Amieves, Tudela Veguín (Uviéu).
 
1953
Muerre en Sama José Santos, Pepe’l Pantuxu.
 
1955
Estrénase en Mieres la película Historia entre dos aldeas na qu'interpreten asturianaes José Requejo y Carlitos Fernández Solís.

José Requejo graba un discu de llarga duración pa la compañía Columbia.

Margarita Blanco Alonso dase a conocer y queda segunda na categoría de voces femenines nel concursu del diariu Región.

Carlos Fernández Solís gana nel programa Rumbo a la Gloria y consigue’l títulu de Campeón d’Alta Montaña nel concursu del diariu Región.

El Coro Minero de Turón viaxa al Festival de Llangollen , en Gales, y graben una actuación pa la BBC.

12 de febreru de 1955
Intervién nel concursu de Canción Asturiana del salón Babel fuera de concursu y con 60 años La Busdonga. Acompañada pol so hermanu Aurelio a la gaita, con 70 años.

17 de febreru de 1955
Muerre esiliáu en Londres Eduardo Martínez Torner.

10 de xunu de 19955
Muerte d’Ángel González Rodríguez, el Maragatu, n'Uviéu. Fue enterráu nel cementeriu de San Pedru Los Arcos y años depués los sos restos fueron treslladaos a la ilesia de San Xuan el Real.
 
1956
Laudelino Alonso graba pa Columbia diez canciones, dos xunto a La Busdonga.

José Remis Ovalle gana'l títulu de Gaiteru Mayor d'Asturies, quedando en segundu llugar so padre, José Remis Vega, el Gaiteru Margollés.

Primera actuación en públicu d’Ignacio Noriega García, el Gaiteru de San Roque l’Acebal, xunto a Ninu’l de Pancar, el más famosu baillador del oriente d’Asturies.
 
1957
Homenaxe a Juanín de Mieres nel Teatro Capitol de Mieres.

El Presi comienza una xira por Cuba, México, Venezuela, EEUU...

José Noriega intervién en La Habana xunto al grupu de Coros y Danzas El Pericote de Llanes.
 
1958
31 d’ochobre de 1958
Naz Jorge Tuya Rivas, en Seloriu (Villaviciosa).
 
1959
Fecha de grabación del segundu discu de Laudelino Alonso Lorenzo.

12 de xineru de 1959
Naz Aquilino Fernández González, en Rondera (Llangréu).
 
1960
José Noriega emprende xunto a José Remis Ovalle una xira por Argentina, Chile, Cuba, México y EEUU.
El Coro Minero de Turón queda segundu nel Certamen Nacional de Habaneras de Torrevieja.

Fórmase’l Cuatetu Los Cuatro de Asturias, integráu por Víctor Molina, José Balbona, Roberto Morado y Ruperto Loché.

27 de xunetu de 1960
Obdulia Álvarez Díaz, La Busdonga, muerre en Xixón, nonde residía dende 1934.
 
1961
Organízase'l concursu "Asturias en Inglaterra", pa escoyer al cantante qu'acompñaría a la Polifónica de Xixón nel so viaxe. Ganó'l Tordín de Frieres y quedó segundu Silvino Argüelles.
 
1962
Emigra a Bélxica Manuel Fernández, El Fogoneru, onde va a rexentar un bar que va llevar el so alcuñu. A lo largo de diez años, hasta’l so regresu a Asturies, graba seis discos cola multinacional Philips.

31 d’agostu de 1962
Naz Andrés Baragaño Espina, en Llandosu (Llangréu).
 
1963
Muerre José Remis Vega, el Gaiteru Margollés.
Aquilino Ferrera Rodríguez queda Campeón de Canción Asturiana del programa Rumbo a la Gloria. Dándose tamién la circunstancia de quedar por tercer añu consecutivu campeón nel concursu d’Hevia.

8 d'avientu de 1963
Muerre a los 92 años d'edá el Gaiteru Santa Clara, Manuel Suárez Álvarez.
 
1966
Dende esti añu reside n’Estremadura Laudelino Alonso Lorenzo, depués d’años retiráu de los escenarios por motivos de salú.

Participa per primer vez nun concursu de tonada Jesusa Fernández González, Chucha de Nembra.
Aquilino Ferrera Rodríguez y Adelina González Baragaño ganen el primer premiu del concursu del diariu Región.
Aníbal Menéndez Corujo queda Campeón de Campeones nel Teatru Filarmónica.

Xira europea del Coro Minero de Turón, participando na Europeade de Bélxica, y actuando en delles ciudaes d’Alemaña.

Xira europea d’Enrique García Palicio, L’Abogáu.
 
1967
Durante los años 1967 y 1968 fórmase la Compañía de Campeones de Canción Asturiana "Asturias Canta": Margarita Blanco, José Noriega, El Tordín de Frieres, Ataulfo Lada Camblor, Agustín Argüelles, Fidel de la Güeria, Tarín de Sotrondio y el so hermanu Silvino Blanco como gaiteru.

El Coro Santiaguín algama’l tercer puestu nel Festival de Llangollen, en Gales, que yá obtuviera nos años 1952 y 1953.
 
1968
Fórmase’l Coro Asturiano de La Calzada, depués de ganar – baxo la denominación de Coro Las Candelas - el primer premiu del Concursu Coral de Xixón.
 
1969
Diamantina Rodríguez saca’l so discu Gaita y voz en el triunfo de Asturias.

Xira per Bélxica de Margarita Blanco y El Tordín de Frieres.

17 de xunu de 1969
Naz María Amor Casal García, en Sama Llangréu.

10 d'agostu de 1969
Homenaxe al gaiteru de Llibardón por parte de los gaiteros d'Asturies. Allúgase una placa na so casa que diz: "A Ramón García Tuero, gaitero de Libardón, el pueblo de Libardón y los gaiteros de Asturias, 10-VIII-1969".
 
1970
Fórmase l'agrupación "Así Canta Asturias".

José Noriega publica’l discu Asturias que guapina yes.
El cantautor Victor Manuel saca’l recopilatoriu Victor Manuel y su tierra.

Nel primer añu nel qu’emprima a participar en corcursos, Alfredo Canga gana’l primer premiu de los cellebraos en Rondera (Llangréu) y San Vicente (Samartín del Rei Aureliu).

23 d’abril de 1970
Naz Hermógenes Fernández González, en Rondera (Llangréu).

22 d'agostu de 1970
José Remis Ovalle gana'l títulu de Gaiteru Mayor d'España, quedando segundu'l gaiteru coruñés Gabriel Mato.
 
1971
Contando 81 años, Cuchichi graba’l so últimu L.P. con 18 canciones, Antología de la canción asturiana.

Grábase’l discu L.P. El Cancionero de Torner en la voz de Diamantina Rodríguez.
El Duo San Juanín publica’l discu Asturias de mi querer.

4 d’abril de 1971
Naz Ana Eva Cavielles Longo, en Prunales (Parres).
 
1972
Agustín Argüelles queda Campeón d’Asturies de Profesionales.

Diamantina Rodríguez graba’l discu La verde Asturias.
Celestino Rubiera saca un discu tituláu Celestino Rubiera acompañado del Gaitero Veriña.

Los Cuatro de Asturias graben el so discu Misa asturiana y villancicos en bable.
 
1973
Grábase’l primer discu d’un grupu folk asturianu, Madreselva, col significativu títulu de Folk Asturiano.
El grupu coral-folk Neocantes graba’l discu del mesmu nome.

Diamantina Rodríguez publica en dos discos baxo’l títulu de Canciones asturianas (canciones antiguas) delles de las canciones menos interpretaes por otros cantantes y que integren el so repertoriu.
Diagmina Noval y Alfredo Canga graben el primer discu de llarga duración cobn canciones dialogaes, col sellu Columbia; dalgo que van repitir cuatro años depués pa Dial Discos.

Pepín de la Rumiá publica dos disco esti añu, el que lleva el propiu nome y el tituláu Asturias.

El gaiteru Luis d’Arnizu publica, dientro de la serie Folklore de España, el dedicáu a Asturias.

El cantantautor Víctor Manuel graba un discu L.P. integráu por completo de canciones populares asturianes, baxo’l títulu Verde.

Desaparez l’Orfeón Ovetense, depués de cásique noventa años d’esistencia.
 
1974
Emprima la primer edición del concursu de tonada de Radio Oviedo, de Radiocadena Española, siendo los sos ganadores Nori Redondo y José Fernández García, Pepín de la Rumiá.

El gaiteru José Remis Ovalle publica’l discu Trío de gaitas.
El teberganu Francisco Escobar gana’l primer premiu del festival de tonada organizáu pol Centru Asturianu de Madrid, nel Parque de los Viveros de La Villa, siendo la primer vez que participaba nun concursu. Taben de xuraos Josefina Argüelles, José González, El Presi, y José López Brañas.

Fórmase’l Coro San Andrés, en L’Entregu (Samartín del Rei Aureliu), agriupación de la que van formar parte grandes cantadores de tonada como José García González, El Che de Cabaños, Armando Fernández o Luis Estrada, arriendes de Xesús Pedro Fernández, popular voz del grupu Nuberu.

9 de marzu de 1974
Muerre Manuel Gandoy Zapico n'accidente de carretera en Lleón, a los 39 años d'edá. Esti mesmu añu sal el so discu Canciones asturianes.

23 de septiembre de 1974
Muerre n'Uviéu Emilio Álvarez Suárez, el gaiterín de San Claudio.
 
1975
Ataulfo Lada Camblor publica un discu col so mesmu nome.

Gerardo Orviz graba les sos Canciones asturianas.
Publícase la conferencia De Musicología Asturiana. La Canción Tradicional de Modesto González Cobas.
Estrénase en Sama durante les fiestes de Santiago, la Misa n’asturianu, del maestru Casanova y José León Delestal, interpretada pol Coro Santiaguín.
Fórmase l’Ochote La Unión, en Mieres.

El tenor Joaquín Pixán graba’l so discu Asturias y su folklore.

22 de marzu de 1975
Muerre Miranda n'Uviéu.

22 de xunetu de 1975
Naz Eloy López Cuello, en La Casa Cima, Santa Bárbara (Llangréu).
 
1976
José Noriega graba’l discu que lleva’l so mesmu nome.
Concesión a Cuchichi de la Medalla al Mérito en el Trabajo.

Emprima a cantar en públicu Rauwel Mier, La Pastora del Cuera.

Vicente Díaz graba’l so discu Vicente Díaz.
El Coro Santiaguín publica’l so discu Misa asturiana en bable.

El cantautor Daniel Vega graba’l so discu La noche que precede a la batalla.

El Seminariu de Llingua Asturiana de la Universidá d’Uviéu publica los poemes "Tedium vitae" y "Himnu de la xuventú d’Asturies", de José Benito Álvarez-Buylla, que van ser tiempu depués popularizaos pol grupu de canción protesta Nuberu.
 
1977
Publícase La Canción Asturiana (Un estudio de Etnología Musical) de José Benito A. Buylla.

Muerre’l compositor Sergio Domingo, el mesmu día en que delles agrupaciones corales teníen-y preparáu un homenaxe en L’Entregu.

Grábase’l discu Coples de Carnaval de Jerónimo Granda.
Conócense Javier d’Arroes y Jorge Tuya Rivas, al qu’anima a siguir cantando y a grabar, lo que fai al añu siguiente.

Primer discu de llarga duración del Ochote La Unión, de Mieres.

Disuélvese la Coral Polifónica Gijonesa, depués de más de trenta años d’esistencia y de participar nos principales certámenes corales d’España y d’Europa, como’l de Llangollen, en Gales, o’l de Colonia, n’Alemania.
Avelino Fernández Corte gana’l títulu de Campeón de la Canción Asturiana nel IV Concursu de Radio Oviedo.
Radio Oviedo-La Voz del Principado dedica un programa especial dedicáu a Pachín de Melás, nel centenariu del so nacimientu, nel que collaboren José María Marcilla López, José Leon Delestal y Pilar Robles, fía de Pachín.
Enrique García Palicio, L’Abogáu, gana’l concursu de Mercaplana, en Xixón.
 
1978
Grábase’l primer discu del grupu folk ("canción protesta") Nuberu, baxo’l títulu Asturies, ayeri y güei.

Interpreten xuntos una de les tradicionales mises de gaita de Teberga, el gaiteru tradicional Juan Rodríguez Huerta, Juan el de La Torre, y el tenor Joaquín Pixán, na ilesia de San Xuan el Real, d’Uviéu.

27 d’abril de 1978
Naz Alberto García Ramos, en Sama Llangréu.

12 de mayu de 1978
Cellébrase nel cine María Eugenia de Morea d’Ayer un festival n’homenaxe a José Fernández García, Pepín de la Rumiá, que morriera pocos díes atrás nun tráxicu accidente na mina.

3 d'avientu de 1978
Muerte de José Menéndez Carreño, Cuchichi, a los ochenta y ocho años d’edá.
 
1979
Créase la Sociedad Fonográfica Asturiana, por Benito Lauret y Javier Calzadilla. Los dos primeros discos que salen al mercáu son Canciones Asturianas de la Capilla Polifónica Ciudad de Oviedo y Vaqueiras y otras canciones asturianas por Juan Uría Maqua. Ente les sos producciones cuéntase cola recuperación de grabaciones hestóriques de Los Cuatro Ases, Xuacu’l de Sama, Juanín de Mieres, La Busdonga, El Gaiteru Lliberdón...

Con motivu del so setenta cumpleaños, Arsenio Fernández, El Polenchu, recibe en L’Entregu un homenaxe promovíu pol Coro San Andrés.
Publícase 7 canciones asturianas de Luis Vázquez del Fresno.

El tenor Joaquín Pixán graba’l discu Canción lírica asturiana.

Jerónimo Granda graba Terrentemplete morrióte un xatu, que sigue l’ésitu algamáu coles Coples de Carnaval.
23 de xunu de 1979

Muerre n'Uviéu Juan Uría Ríu.
 
1980
Alberto Fernández Velasco constrúi la so primer gaita a partir d’una del gaiteru d’Arroes. A partir d’esti momentu anicia los sos trabayos d’investigación, buscando meyorar les cualidaes tímbriques y tonales de la gaita, calteniendo siempre un fondu respetu pol timbre característicu asturianu.

José García Fernández, El Che de Cabaños, graba una amuesa del so repertoriu nun discu de llarga duración.
Grábase’l discu de rock n’asturiano del grupu Asturcón. Nos años anteriores sonara’l grupu Renacencia, vincvuláu al movimientu del Nueu Canciu Astur, pero nun dexara nada grabao.

El cantautor Manolo Santarrúa graba’l so discu Amoríos.
Lorenzo Novo Mier publica’l so llibrín de poemes Asturianes, modelu de lletres nueves pa vieyes tonaes.
Silvino Argüelles participa como cantador de tonada nel Festival Celta de Berlín, actuando de pasu notres ciudaes europees, como Xinebra.

La Sociedá Fonográfica Asturiana edita’l discu Esparabanes, de Julio Ramos, el primeru dedicáu a un cantautor n’asturianu.
 
1981
Imposición del emblema d'oru del Centru Asturianu de Madrid a Juanín de Mieres.

Diamantina Rodríguez saca’l discu A las madres de los mineros, nel que vuelve a interpretar tonada, xunto a vaqueiras, pandeiradas, añaes y xiraldilles.
El Tordín de Frieres publica el so discu Cantos al mar y a la tierra, ún de los más cellebraos pola crítica y que completa otros anteriores publicaos na década de los setenta.

El cantautor Carlos Rubiera graba’l discu Pasín a pasu.
Alejandro Fernández, El Guaje, gana’l primer premiu del certamen de Radiocadena, grabando por ello’l so primer discu.

El grupu folk de canción protesta Nuberu graba’l so discu Cancios d’un país.

El grupo de rock Cuélebre graba’l so discu Made in Asturies.

La pianista Purita de la Riva graba’l so discu Música asturiana para piano.

Xira pela República Dominicana de Marcelino Fernández Meré, El Manquín de Les Arriondes, que yá ficiera tres años enantes otra xira per Bélxica.

Fórmase en Madrid, dientro del Centru Asturianu, el Cuartetu Asturianía, integráu por Antonio Pérez Agustí, José Antonio López Brañas, Francisco González Rodríguez y José Ignacio Palacio. Ente los sos collaboradores contaron con José Leon Delestal.

17 de febreru de 1981
Muerre Carlitos Fernández Solís, en Murias (Ayer), onde naciera.

18 de xunu de 1981
Naz Anabel Santiago Alonso, en Buenos Aires (Arxentina).
 
1982
Sal el discu Alborá del gaiteru Manolo Quirós.
El cantautor Manolo Santarrúa publica’ l so discu Contra viento y marea.

La Orquestina Son les Poles graba’l so primer discu de música asturiana.
 
1983
Grábase’l primer discu d’un grupu de folk celta, Trasgu, col títulu La isla de Hélice.

El Duo Costa Verde publica’l so discu De Asturias a Hispanoamérica.

Gana’l primer premiu del concursu de Radiocadena, en Xixón, Mari Celi Fernández Palacio.
Fórmase’l Cuatrutu Torner, integráu por Luis Estrada, Roberto González, Arsenio Fernández y Emilio García.

El cantante pop Tino Casal graba’l so gran ésitu internacional Etiqueta negra.

12 de xunu de 1983
Muerre José González Cristóbal, El Presi.
 
1984
La Sociedad Fonográfica Asturiana dedica un L.P. antolóxicu a Los Cuatro Ases de la Canción Asturiana.
El productor Graciano Gutiérrez González emprima la edición de casetes de tonada asturiana.

Grábase’l doble discu Folklore astur, una antoloxía purista de canciones y bailles tradicionales asturianos.

Publícase Recuerdos de la Canción Asturiana d'Oscar Luis Tuñón y Ángel Martínez Suárez.

Los ganadores de la décina edición del concursu de tonada de Radiocadena son Luis Estrada y Mari Luz Cristóbal Caunedo, grabando por ello un discu compartíu de llarga duración.

Alejandro Fernández, El Guaje, algama’l títulu de Campeón de Campeones del certamen de Radiocadena.
 
1985
El grupu de folk Beleño graba’l so discu Na ca’l fuau.

Publícase’l discu de música asturiana tituláu Arpa céltica.
Publícase Asturias. Catálogo General. Danzas y Bailes I d'Emilio Juan Peña.

Última edición del concursu de tonada de Radio Oviedo, de Radiocadena Española, cellebráu en Mieres.
 
1986
La Sociedad Fonográfica Asturiana dedica un L.P. antolóxicu al Gaiteru Llibardón, al Cuartetu Vocal Asturianu y a Xuacu el de Sama.

Alberto Fernández Velasco recibe l’Urogallu de Bronce del Centru Asturianu de Madrid, como reconocimientu al so trabayu d’investigación y ameyoramientu de la gaita asturiana.

Gana’l premiu Macallan de Gaita, nel Festival Intercélticu de Lorient, el gaiteru Xuacu Amieva, convirtiéndose asina nel primer gaiteru asturianu que lo llogra.

3 de payares de 1986
Muerre en Mieres Silvino Argüelles.
 
1987
Distinción a Juanín de Mieres col Urogallu especial del Centru Asturianu de Madrid.

Comienza a celebrase nel barriu de Requexo de Mieres el Memorial Silvino Argüelles.

La Sociedad Fonográfica Asturiana dedica un L.P. antolóxicu a La Busdonga y otru a Cuchichi.
Almas Unidas publica’l so discu La sangre de los manzanos.

El gaiteru Xuacu Amieva graba’l discu Xuacu Amieva nel qu’esplora les nueves sonoridaes de la gaita atemperada asturiana.

El grupu más representativu del folk celta, Llan de Cubel, graba’l so primer discu, Deva.

El grupu de folk Beleño graba’l so discu Ofiusa.

El grupu de folk Lliberdón publica’l discu que lleva’l so mesmu nome.

Fórmase n’Avilés el que col tiempu va ser el grupu más representativu del rock asturianu radical, Dixebra.

25 de marzu de 1987
Muerre en Tornín (Cangues d'Onís) José Remis Ovalle.
 
1988
Gana’l premiu Macallan de Gaita, nel Festival Intercélticu de Lorient, el gaiteru Alberto Varillas, con una gaita construyida pol so padre Alberto Fernández Velasco, convirtiéndose nel segundu gaiteru asturianu que lo llogra.
Sal un discu de Antología de la canción allerana.

El grupu de folk Ubiña publica’l so primer y únicu discu, que va ser dende esti momentu una referencia de la música folk que se fai n’Asturies más averada a la tradición qu’a les sonoridaes celtes, buscando un sellu identificativu propiu.

Pablo Mori graba’l discu De siempre: cincuenta canciones populares.

El grupu coral infantil escolar Xentiquina publica’l discu que lleva’l so emsmu nome.

El cantautor Carlos Rubiera publica’l so discu Mariñanes.
 
1989
Jorge Tuya Rivas gana esti añu’l primer premiu en tolos concursos nos que participa.

Tetevisión Española encárega-y a Carlos M. Jeannot la realización del programa "Canción asturiana", del que s’emitieron 98 programes.

Publicase 50 años de cancioneros asturianos armonizaos (1885-1935), de Gabriel Martínez García. Recueye dende’l cancioneru de Rufino G. Nuevo Miranda hasta’l de Luis Vázquez del Fresno.

Juan Busto Cortina gana’l Premio Juan Uría Ríu col so Catálogo Índice de Romances asturianos.
Cellébrense en Mieres los Primeros Alcuentros nel Camín, nel que tienen llugar muestres y debates sobre música y cultura asturiana.

El grupu de pop rock Los Berrones publical so discu Vopy dicítelo.

Muerre en Madrid José León Delestal, fundador de l’Asociación Amigos del Bable, xunto a Llorienzu Novo Mier.

Muerre n’Uviéu’l periodista y xuráu de concursos de tonada, Oscar Luis Tuñón González.
 
1990
Alberto Fernández Velasco consigue fabricar la gaita cromática asturiana, depués d’años d’investigación, llogrando de mano un punteru d’octava y media d’estensión, pa consiguir al fin ún de dos octaves completes.

Muerre n’Uviéu Llorienzu Novo Mier, escritor, lletrista de tonaes asturianes, fundador de l’Asociación Amigos del Bable y miembru de l’Academia de la Llingua Asturiana.
Fúndase n’Uviéu l’Asociación d’Intérpretes de la Canción Asturiana (AICA), a partir d’un grupu de cantadores ente los que s’afayaben Mari Luz Cristóbal Caunedo, Horacio Huerta, José Manuel Collado, Jorge Tuya y Alejandro Fernández González, El Guaje, y que col tiempu consiguió aconceyar baxo les sos sigles a la mayor parte de cantadores y monologuistes asturianos.

Gana’l premiu Macallan de Gaita, nel Festival Intercélticu de Lorient, el gaiteru José Manuel Tejedor Mier.
 
1991
La Sociedad Fonográfica Asturiana edita un L.P. antolóxicu de Juanín de Mieres, con doce canciones.
 
1992
Emprima’l Primer Concursu y Muestra de Folclore Ciudad de Oviedo, nel que collaboren l’Ayuntamientu d’Uviéu y el diariu La Nueva España. L’alcalde d’Uviéu, Gabino de Lorenzo, encomiénda-y la dirección y presentación del concursu a Carlos M. Jeannot.

Gana’l premiu Macallan de Gaita, nel Festival Intercélticu de Lorient, el gaiteru José Ángel Hevia.

6 d'avientu de 1992
Homenaxe a Juanín de Mieres nel Teatro Campoamor dientro del Concurso y Muestra de Folklore Ciudad de Oviedo.
 
1993
Estrénase la gaita cromática asturiana, del artesanu Alberto Fernández Velasco, con un conciertu nel Teatru Campoamor de la Orquesta Sinfónica del Principáu d’Asturies, dirixida por Antón García Abril, y na que la gaita ye tocada pol so fíu Alberto Fernández Varillas.
Nel primer concursu "Ciudad de Oviedo" queden ganadores: na modalidá de coros, la Capilla Polifónica Ciudad de Oviedo; en bandes de gaita, la de Villaviciosa; en grupos de baille, "Esbardu", d’Avilés; en gaiteros solistes, José Ángel Hevia Velasco, de Villaviciosa; en tonada femenina, Mari Luz Cristóbal Caunedo; y, en voz masculina, Jorge Tuya Rivas.

Gana’l premiu Macallan de Gaita, nel Festival Intercélticu de Lorient, el gaiteru José Manuel Tejedor Mier, que yá lu ganara nel añu 1990.

31 de xineru de 1993
Homenaxe a José Noriega nel Teatro Campoamor dientro del Concurso y muestra de Folklore Ciudad de Oviedo.

22 de payares de 1993
Muerre n’Uviéu’l gaiteru tradicional Juan Rodríguez Huerta, Juan el de La Torre.
 
1994
Nel segundu concursu "Ciudad de Oviedo" queden ganadores: na modalida de coros voces mistes, el Coro del Centro Asturiano de La Habana, d’Avilés; en coros voces iguales, l’Agrupación Langreana "Coro Santiaguín"; en grupos de baille, "Xunu", de San Cloyo; en bandes de gaita, la de Villaviciosa; en tonada femenina, Jesusa Fernández González, Chucha de Nembra; en tonada masculina, José García González, El Che de Cabaños; y, en gaiteros solistes, Eduardo López Fernández, de Mieres.
Con más de sesenta años, Avelino Agüeria González participa pela primer vez nun cocursu, nel de La Nueva.
L’Asociación "Así canta Asturias" entrega’l Garabatu d’Oru a Carlos Menéndez Jeannot, organizador y presentador del concursu "Ciudad de Oviedo".

Gana’l premiu Macallan de Gaita, nel Festival Intercélticu de Lorient, el gaiteru Javier Tejedor Mier, hermanu de José Manuel Tejedor que ganara les ediciones de 1990 y de 1993.
 
1995
Nel tercer concursu "Ciudad de Oviedo" queden ganadores: en tonada moza, Anabel Santiago Sánchez; en tonada femenina, Mariluz Cristóbal Caunedo; en tonada masculina, Ismael Tomás Montes; en gaiteros solistes, José Ángel Hevia Velasco; en ochotes, l’Ochote Langreano; en parexes de baille, Juan Luis Álvarez y Natalia Álvarez González, de San Cloyo; y, en grupos de baille, "Xorrecer", de Mieres, dirixíu por Fini Suárez.

Comienza a celebrase en Mieres les I Xornaes d'estudiu y muestra de los estilos de la Canción Asturiana.

Na primer edición del concursu de La Nueva queden campeones Maximo Solís Lada y Eloy López Cuello.
L’Asociación "Así canta Asturias" entrega’l Garabatu d’Oru a Francisco Carantoña, director del diariu El Comercio, de Xixón, organizador de quince concursos de canción asturiana, durante les fiestes de Nuestra Señora de Begoña.

Gana’l premiu Macallan de Gaita, nel Festival Intercélticu de Lorient, el gaiteru Jorge Fernández Areces.

26 de payares de 1995
Inaugúrase una cai en Sama dedicada a Joaquín Martínez González, Xuacu’l de Sama.
 
1996
Nel cuartu concursu "Ciudad de Oviedo" queden ganadores: en tonada moza, Anabel Santiago Sánchez; en tonada femenina, Mari Celi Fernández Palacio; en tonada masculina, Jorge Tuya Rivas; en gaiteros solistes, José Ángel Hevia Velasco; en parexes de baille, Daniel González García y Saray Álvarez González, de San Cloyo; y, en monologuistes, Nel del Solo Leonardo, de Xixón.

Apaez el llibru Un hito en la historia de la cultura asturiana de José María Marcilla.

Publícase’l primer númberu de la revista etnográfica Asturies, del Conceyu d’Estudios Etnográficos Belenos.

Na segunda edición del concursu de La Nueva queden campeones José Manuel Collado Vidal, Mari Luz Cristóbal Caunedo y Ana Eva Cavielles Longo
 
1997
Edítase’l Premiu Juan Uría Ríu 95, ganáu pola so ñeta Fidela Uría Líbano col trabayu Música Asturiana entre 1860 y 1934. Vida y catálogo de Víctor Sáenz, Anselmo González del Valle y Baldomero Fernández.

Na tercer edición del concursu de La Nueva queden campeones Jorge Tuya Rivas, Mariceli Fernández Palacio y Anabel Santiago Alonso.

Na primer edición del concursu de Ruturbiu (Mieres) queden campeones Jeremías Cuello González y Rosi Fernéndez Torre.
 
1998
Publícase una antoloxía en C.D. de canciones de Juanín de Mieres.

Na segunda edición del concursu de Ruturbiu (Mieres) queden campeones: en tonada masculina, José Manuel Collado Vidal; en tonada femenina, Mari Luz Cristóbal Caunedo; en vaqueirada masculina, Avelino Fernández Corte; en vaqueirada femenina, Mari Ángeles González; y, en tonada moza, Bibiana Sánchez.

Edítase’l discu Tierra de nadie del gaiteru José Ángel Hevia, qu’inclúi ente otres canciones dos tonaes nes voces de Mari Luz Cristóbal Caunedo ya Ismael Tomás. El discu algama en tol mundu los tres millones d’exemplares vendíos y conviértese nuna referencia obligada de la música asturiana y un impostante pasu pa dala a conocer fuera del so ámbitu tradicional.

El llibru L’Asturianada (Ensayu sobre la vitalidá d’un xéneru), de los hermanos Xaime Gabriel ya Ismael María González Arias, gana VIII Premiu d’Ensayu "Máximo Fuertes Acevedo", del Principáu d’Asturies. Publícase en llibru a finales d’añu.

Gana’l premiu Macallan de Gaita, nel Festival Intercélticu de Lorient, el gaiteru José Manuel Tejedor Mier, que yá ganara les edicioes de 1990 y 1993.

29 de payares de 1998
Homenaxe nel Teatru Campoamor, sientro del VII Concursu "Ciudad de Oviedo", al contructor de gaites Alberto Fernández Velasco.
 
1999
Publícase la recopilación Les cuarenta principales: Cancioneru Popular de Mieres, de la que se fai una segunda edición al añu siguiente.

Na tercer edición del concursu de Ruturbiu (Mieres) queden campeones: en tonada masculina, José Manuel Collado Vidal; en tonada femenina, Biana Sánchez; en tonada dialogada, José Luis Alonso y Maria del Rosario González; y, en tonada moza, Liliana Castañón.
 
2000
Ganan el premiu Macallan de Gaita, nel Festival Intercélticu de Lorient, el gaiteru Diego Pangua, con dieciséis años d’edá, fíu de Pedro Pangua, ún de los más prestixosos gaiteros actuales.

Na cuarta edición del concursu de Ruturbiu (Mieres) queden ganadores: en tonada masculina, Jeremías Cuello; en tonada femenina, María del Rosario González; y, en tonada moza, Liliana Castañón.

La canción La trova del mineru incluyida nel discu Patrimoniu de l’Asturiana Mining Company conviértese na banda sonora de la película Pídele cuentas al Rey, de José Antonio Quirós, xunto con otres pieces a gaita interpretaes por Alberto Varillas. Esta película resulta ser la más premiada del Festival de Cine de Comedia de Peñíscola, llevando ente ellos el premiu a la meyor banda sonora.

19 de payares de 2000
Dientro derl IX Concurso y Muestra de Folklore Ciudad de Oviedo que se cellebra nel Teatru Campoamor, preséntase La sosiega, zarzuela orixinal del maestru Francisco Rodríguez Lavandera, con lletra de Pachín de Melás, a cargu de la Compañía Clara Ferrer, dirixida por José Fuertes.
 
2001

Muerre'l gaiteru Manolo Quirós, qu'acaba de publicar el so últimu trabayu Latidos de la tierra.

Muerre en Mieres el gaiteru José María Fernández González, Chema Castañón, reputáu constructor de gaites.

El gaiteru Vicente Prado, El Pravianu, saca'l so tercer discu, El Pravianu , un regresu a los soníos más clásicos de la gaita.

El gaiteru José Ángel Hevia edita'l so segundu trabayu, Al otru llau , dientro de la llinia qu'aniciara nel anterior Tierra de nadie.

El gaiteru Oscar Fernández graba Gaita Asturiana , xunto al tamboriteru Jaime Alonso.

La orquestina Ástura, al freste de la que ta'l gaiteru Alberto Varillas, saca'l cedé Tradición , una amuesa de cantares d'Asturies, Lleón, Zamora y Miranda del Douru.

La bandina de música tradicional La Bandina saca'l so discu ¡Pa bail.lar!.

El Colectivu Etnográficu Muyeres saca'l so tercer trabayu, Pasamentu.

L'Andecha Folclor d'Uviéu saca'l so tercer discu El ciclu per Navidá: el son nos aguilandos, villancicos y ramos III.

El grupu de folk-rock Skanda graba'l so segundu discu Mecigaya.

El grupu folk N'Arba edita'l so discu Inda yá ceu , nel que s'alcuentra'l gaiteru y voz Xosé Ambás.

El grupu folk Corquiéu saca'l so discu La Barquera.

El grupu folk Guxán de Lluz saca'l so trabayu Nel mar del Norte.

El grupu Mus graba'l so quintu discu, Aida , n'homenaxe al personaxe de la Revolución del 34.

La Xunta Moza y Discos L'Aguañaz saquen el compilatoriu L'asturianu vive, la llucha sigue , dos cedés nos que se xunten les voces y los sones de Mariluz Cristobal Caunedo y Lliberdón, Cuerria, Xéliba, Corquiéu, Felpeyu, Llan de Cubel, Skitarna, N'Arba, Balandrán, La Col.la Propinde , La Cigua, Brenga Astur, Skanda, Xaranzaina, Nuberu, Anabel Santiago, Xabel Vegas, Toli Morilla, Andecha. Nosotras, Diariu, Soviet Sister, Los Berrones, Avientu, Fe de Ratas, Intolerance, OI! N'Ast, Escuela de Odio, Dixebra, Cambaral, Mus y Sergio Rodríguez.

25 de xineru de 2001
Muerre, a los 65 años d'edá y tres d'una llarga enfermedá, Manolo Ponteo , El Caballeru de la Canción Asturiana .

 
2002

Ámbitu Ediciones edita'l llibru-cedé La tonada de la mina , una amuesa de doce canciones mineres nes voces d'Anabel Santiago, Oscar Fernández, Liliana Castañón, Urbano Prieto, Rosario González y Alberto Varillas. Conviértese nel cedé asturianu más vendíu de les Navidaes.

El grupu d'investigación Xana saca'l discu El son nes dances de rueda de calter festivu profanu II.

Anabel Santiago edita'l so discu Al son de la lluna , en Discos L'Aguañaz. nel qu'amuesa música elléctrónica y tonada asturiana, con composiciones tradicionales y propies.

Sergio Agüeros saca Adiós puebliquín de Cires , cola Sociedá Fonográfica Asturiana.

El cantautor Carlos Rubiera edita Viaxe al silenciu , tres de diez años ensin grabar.

El gaiteru Diego Pangua graba'l so discu Ente'l Cairón.

El gaiteru Flavio Benito saca'l so discu en solitariu Mara.

Una de les formaciones más moces, el grupu de folk Llangres, saca'l so discu Stura.

El grupu de rock radical Dixebra graba'l so sestu trabayu en doce años, Sube la marea.

La cantante Esther Fonseca saca'l so segundu discu, Agua.

El compositor Jorge Méndez graba'l so sestu discu, El diañu bailón.

Florentina Cuadriello Sánchez publica Instrumentos musicales nel arte asturianu hasta 1800 , editáu pol Muséu del Pueblu Asturianu.

José Manuel Fernández publica na editorial VTP de Xixón el so Métodod de gaita asturiana I.

José Ángel Llaneza y Daniel García de la Cuesta publiquen Instrumentos airófonos nel folclore asturianu .

 
2003

El Memorial Silvino Argüelles crea un Comité d'Espertos de Tonada Asturiana, integráu por Diamantina Rodríguez, Ataulfo Lada Camblor, Javier d'Arroes, Fernando Ornosa y Aurelio Argel, y noma los 10 Meyores Cantadores de Tonada del añu: Mariluz Cristobal Caunedo, Anabel Santiago, Liliana Castañón, Rosario González, Ángeles González, Jorge Tuya, Sergio Agüeros, José Ramón Collado, Ismael Tomás y Urbano Prieto. El reconocimientu al Meyor Gaiteru n'acompañamientu de tonada foi pa Vicente Prado, El Pravianu.

La editora musical FonoAstur cumple 15 años y cellébralo cola edición de lluxu d'una caxa con tres discos compactos nos que s'inclúin grabaciones de Muyeres, Llan de Cubel, Felpeyu, Ubiña, Xuacu Amieva, Dixebra, Carlos Rubiera, Vicente Díaz...

Discos L'Aguañaz edita 10 años d'independencia nel qu'amuesen canciones de Dixebra, Anabel Santiago, N'Arba, Balandrán, Cambaral, Guti...

Ediciones Ámbitu, tres del ésitu algamáu pol so anterior La tonada de la mina . edita una segunda parte baxo'l títulu Cantares de mina , que vuelve repitir ésitu de ventes. Intervienen nél Ángeles González, Sergio Agüeros, Bibiana Sánchez, Fernando Valle Roso, Marisa Valle Roso, Gustavo Álvarez y Francisco Barrientos.

Lafu ya Sturm. dúu de guitarres formáu por Alejandro Lafuente y Rodrigo Sturm, graben el so trabayu Dir ya tornar , sobre ritmos y melodíes tradicionales.

Preséntase nel Festival de Cine de Xixón el documental Pasamentu , de Jorge Rivero, sobre l'espectáculu homónimu del grupu Muyeres.

La Sociedá Fonográfica Asturiana edita la cinta cassette de Nori Redondo Sobero, acompañada a la gaita por Oscar Fernández.

FonoAstur edita'l cedé Cuatro Ases de la Toná , coles voces de Jorge Tuya, Ismael Tomás, José Manuel Collado y El Ché de Cabaños.

Chus Pedro, miembru del grupu folk Nuberu, saca en solitariu'l cedé De ñublu y orpín.

El compositor Juan Carlos Casimiro, cola Orquesta Sinfónica Julián Orbón y los coros Schola Nova y Villa de Jovellanos, saca'l discu Danza Prima , sobre un espectáculu compuestu l'añu anterior pa la danza prima que s'interpreta en San Xuan en Xixón.

Muerre en Cauxal, Turón (Mieres) el constructor de gaites Isidro Francisco González Berdayes.

Muerre en Boo (Ayer), el gaiteru Benigno Díaz González, Benino'l de Boo.

Muerre en Xixón, el gaiteru Manuel Castiñeira Cordero.

Muerre en Cuergo (Ayer), el gaiteru José Tejón Megido, Pepe'l gaiteru.

13 de septiembre de 2003
Muerre en Xixón el cantador de tonada Juan Menéndez Muñiz, Juanín de Mieres , a un mes de cumplir 98 años.

 
2004

La cantante de tonada Liliana Castañón graba xunto al so grupu, el Liliana Castañón Quartetu, col que lleva dos años tocando, el so discu Nel café de la esquina.

Rosario González graba'l discu De L.laciana vengo . Nel cantar “A la madre del mineru” intervién como voz falada Diamantina Rodríguez, qu'entra nun estudiu de grabación 23 años depués de grabar esa mesma canción nel últimu de los sos discos.

La Dirección Xeneral de la Muyer del Principáu d'Asturies patrocina'l discu Con voz de muyer , d'ediciones Ámbitu, nel que se fai un repasu a la condición de la muyer a través del folclor y nel qu'intervienen Diamantina Rodríguez, Rosario González, Anabel Santiago, Liliana Castañón y Marisa Valle Roso.

Rafael Lorenzo, que fuera ún de los integrantes del nomáu Nueu Canciu Astur, hacia l'añu 1975, publica'l llibru Coplas vaqueiras , una amuesa de más de seiscientes lletres de vaqueiraes tradicionales.

L'Andecha Folclor d'Uviéu publica'l llibru Cancioneru L'Andecha. La Jota n'Asturies.

 
 
anteriorarribasiguiente
 
 
"Canciones Populares de Asturias", de Manuel del Fresno
José Requejo
Constantino Cabal
Quin El Pescador
El Presi
El Gaiteru de Veriña
Diamantina Rodríguez
Manuel Gandoy
Recuerdos de la Canción Asturiana
Manolo Ponteo
Josefina Arguelles
El Tordín de Frieres
"Tierra de Nadie" de Hevia
Alberto Varillas fíu de Alberto Velasco