Volver a la Pantalla Principal
Volver a la Pantalla Principal
CronoloxíaPreguntes y respuestesFundación Muséu de la TonadaFuturu
antes de 18001800 - 18491850 - 18991900 - 19491950 - hoy
1900
El xuráu de la Exposición Mundial de París otorga la medalla del méritu al Gaiteru Llibardón, Ramón García Tuero.

Naz Laureano Menéndez, Lauro, n’Avilés.

Naz José Santos, Pepe’l Pantuxu, en Sama Llangréu.

Fórmase l’Orfeón de Mieres, pol que pasaron a lo llargo del sieglu importantes cantadores de tonada.
Jovino Fernández ye’l so primer director.
Aparez la Antología de poetas líricos, editada por Menéndez Pelayo, na que s’inclúin los romances asturianos.

10 de mayu de 1900
Joaquín Martínez González, Xuacu'l de Sama, naz nel campón del Cristu les Cadenes, Uviéu.
 
1901
Naz en Xixón el compositor Sergio Domingo, autor de varies obres corales sobre cantos populares asturianos.
 
1905
Ingresu de Cuchichi na Agrupación Coral e Instrumental Ovetense (qu'en 1917 pasaría a llamase Orfeón Ovetense).

Fórmase en Xixón l’Orfeón Asturiano. que va ganar al añu siguiente el Certamen Nacional de Masas Corales, cellebráu n’Uviéu.

14 d'ochobre de 1905
Naz Juan Menéndez Muñiz, Juanín de Mieres, nel barriu d'Oñón (Mieres).
 
1906
Publíquense 21 melodías asturianas y 20 melodías asturianas para piano de Anselmo G. del Valle.
 
1907
Enantes de cumplir los 16 años, a primeros de 1907, Claverol entra a formar parte de l'Asociación Coral e Instrumental Ovetense (a partir de 1927 Orfeón Ovetense), dirixida entós por Manuel Olavarrieta Álvarez-Rayón.

Eduardo Martínez Torner esamínase en Madrid como estudiante llibre de los cinco primeros cursos de Piano, obteniendo sobresaliente en toles asignatures.
 
1908
L’Orfeón Ovetense gana’l primer premiu del Concursu Nacional d’Orfeones: una bandera bordada y mil pesetes.

9 d'avientu de 1908
Naz José González Cristóbal, El Presi, nel barriu del Carmen de Xixón.
 
1909
Naz Arsenio Fernández Pérez, El Polenchu, en Bédavu, L’Entregu (Samartín del Rei Aureliu).

29 de xineru de 1909
Naz Sabino Cifuentes, en Sariegu, que col tiempu va ser ún de los más reputaos tamboriteros.
 
1910
Ve la lluz el primer discu de música asturiana, el del Gaiteru Llibardón, Ramón García Tuero.
Naz Luis Rodríguez García, El Ruiseñor de Carreño, en Llograzana (Carreñu).

2 de xineru de 1910
Naz en Margolles (Cangues d'Onís) José Remis Ovalle.

24 d'agostu de 1910
Naz Josefina Fernández Álvarez en San Xusto (Villaviciosa).
 
1911
Publícase Album Alma Asturiana de Fidel Maya y Francisco R. Lavandera. 90 canciones populares asturianes. Esiste una continuación 30 cantos más de Francisco R. Lavandera.

El Gaiteru Llibardón firma un contratu en Milán con una casa discográfica pa grabar cuarenta pieces y cantares.

Naz Manuel Prieto García, en Margolles (Cangues d’Onís), ún de los gaiteros tradicionales del oriente d’Asturies.

15 de septiembre de 1911
Muerre n'Uviéu Anselmo G. del Valle, músicu asturianu qu’unvió a Rimsky Korsakow les melodíes que más tarde compondríen el so Capricho Español.
 
1912
Baldomero Fernández conoz a Ángel González Rodríguez, el Maragatu, cuando esti tenía 23 años d'edá.

Naz José Ramón Morán Huergo, Morán, en Xixón.
 
1914
Eduardo Martínez Torner escueye a José Menéndez Carreño,Cuchichi, pola so escepcional voz y forma de cantar, como collaborador pa ilustrar una serie de conferencies-conciertos sobre la música popular asturiana que s'inició nel Paraninfu de la Universidá d'Uviéu en 1914. Vuelve a escoyelu en 1915, xunto a la so fía Faustina.

Publícase 40 canciones asturianas de Baldomero Fernández Casielles.

Manuel de Falla compón Siete canciones populares españolas, ente les que s’alcuentra "Asturiana", que se basa na tonada tradicional "Por ver si me consolaba".

Naz Isabel Mestas Gutiérrez, Isabelina, quien a lo llargo de los años, xunto col grupu de baille de Cabrales, va mantener la esencia de la so danza más característica, el corri-corri, nel qu’ella intervién como tamboritera.

Naz Francisco Rodríguez, en Viliella (Cangas del Narcea), que va continuar la tradición de tocadores de xipla y tambor, na danza de palos.
 
1915
Eduardo Martínez Torner incorpora a les conferencies-conciertu a la cantadora uvieína María Argüelles, La Pita, de la que nun queda nenguna grabación y que yá venía siendo popular dende finales del sieglu XIX. La primer vez que se siente una asturianada nel Teatru Campoamor fue n’avientu d’esti mesmu añu cuando una d’estes conferencies-conciertu.

En payares, l'Orfeón Ovetense (entós inda llamáu Agrupación Coral e Instrumental Ovetense, hasta 1927) actúa nel Teatro Real de Madrid. Tan presentes la Infanta Isabel y el Príncipe d'Asturies. Individualmente -cantando asturianaes- intervienen Botón, Joaquín Echevarría y Cuchichi. L'ésitu fue rotundu.

16 d'agostu de 1915
Naz José Requejo Castañón, en Morea d'Arriba (Ayer).

10 d’ochobre de 1915
Naz Juan Rodríguez Huerta, Juan el de La Torre, en La Torre (Teberga), que col tiempu va ser ún de los gaiteros más famosos de la zona, asina como constructor de gaites, y mantenedor de la tradición de la misa de gaita propia del conceyu.

7 d'avientu de 1915
Naz en Escobedo de Villafufre (Cantabria) Antonio Cea Gutiérrez. Xunto al Cuarteto Cea tien grabaos tres discos: Ritos al agua, al árbol y al fuego, La Misa de Gaita y La Canción del Mar.
 
1916
Emprimen los conciertos d'el Maragatu y Baldomero Fernández.

Naz n’Uviéu’l musicólogu José Benito Álvarez-Buylla, creador na Universidá d’Uviéu del Departamentu d’Etno-Muiscoloxía Asturiana y organizador de dellos cursos d’Estensión Universitaria sobre la música tradicional.
 
1917
Naz Llorienzu Novo Mier, n’Uviéu.
A finales de 1917, Cuchichi y Botón, tenor y baxu destacaos del Orfeón Ovetense (hasta 1927 Agrupación Coral e Instrumental Ovetense) viaxen a Cuba y Florida.
Refundación del Orfeón de Mieres, que se disolviera en 1906 cola partida a América del so director Jovino Fernández. Agora remanez de la mano de Reinerio García.

4 d’abril de 1917
Naz José Francisco Galán Trespalacios, Pancho Galán, el Gaiteru Llonín, en Llonín (Peñameyera Alta), que colos años va ser ún de los gaiteros más nomaos del oriente d’Asturies.
 
1918
En La Habana, Cuchichi graba'l so primer discu con La Voz de su Amo.

Incorpórase en calidá de barítonu al Orfeón Ovetense, onde pola calidá de la so voz fue nomáu solista, Vicente Miranda Rodríguez.

L’Orfeón Ovetense, hasta agora de voces masculines, pasa a ser de voces mistes. La so primer actuación va ser con motivu de la estrena del Himno a la Virgen de Covadonga.
 
1919
Estrénase nel teatro Dindurra de Xixón la zarzuela La sosiega de Francisco Rodríguez Lavandera, con lletra de Pachín de Melás.

Publícase El libro de Caravia, de Aurelio de Llano Roza de Ampudia, que lleva secciones dediaces al folclor d’esi conceyu.

Naz Domingo García González, n’El Bao (Ibias). A lo llargo de la vida va ser un importante recopilador del romanceru tradicional, na so versión musical, cantada por él mesmu.

5 de febreru de 1919
Naz Silvino Argüelles Menéndez, en Santumianu (Mieres), según les sos propies indicaciones, por más que la so partida de nacimientu indique Tudela Veguín.

21 de mayu de 1919
Naz José Luis García Castaño, Machacón, en Sutu, Blimea, que colos años va convertise nun de los tamboriteros tradicionales más significaos.

16 d’avientu de 1919
Naz José Marió Álvarez, El Xarreru Fíu, en Fitoria (Uviéu), que va ser col tiempu ún de los grandes tamboriteros tradicionales.

26 d’avientu de 1919
Estrénase la zarzuela El Filandón, con música de Sara R. Caso y lletra de Pachín de Melás.
 
1920
Naz el cuartetu de Los Cuatro Ases. A Galo Borbolla, director del Orfeón Ovetense, ocurrióse-y la idea de que podría formase un cuartetu coles voces más destacaes del Orfeón. El so primer director fuel bien mozu Luis Ruiz de la Peña, asesoráu pol so hermanu Ignaciu, cura, organista de la catedral y compositor. D'equí naz el cuartetu.
Publícase Cancionero Musical de la Lírica popular Asturiana d'Eduardo Martínez Torner.

Créase’l Centru d’Estudios Asturianos, con Aurelio de Llano, el Marqués de la Rodriga, el Conde de la Vega del Sella, Juan Uría Ríu y otres personalidaes relacionaes col folklor.

Naz Leonides Fernández Iglesias, en Malpica, Olloniegu (Uviéu).

Naz Severino García Torre, en Cabaños (Llangréu).

Naz Isidro Francisco González Berdayes, Pachu’l de Turón, que col tiempu va convertise nún de los prinicpales artesanos gaiteros.

20 de xunu de 1920
Naz Clemente Díaz, el gaiteru de Ferreira, en Vilauxín (Ibias).

24 de xunetu de 1920
Naz José Noriega Agüera, en El Busto (Villaviciosa).

4 de payares de 1920
Aurelio del Llano Roza de Ampudia funda el Centro de Estudios Asturianos. Xunto al Marqués de la Rodriga, el Conde de la Vega del Sella, Juan Uría Ríu...
 
1921
Muerre n'Avilés el compositor Rufino G. Nuevo y Miranda.
Naz José León Delestal, en Ciañu (Llangréu).

Naz Anibal Menéndez Corujo, en La Felguera (Llangréu).
Naz José Noriega Agüera, en Busto (Villaviciosa).

21 d’abril de 1921
Naz David Caballín Traviesas, en Coballes (Casu), que va mantener colo años viva la tradición de los tocadores de bandurria, el nuestru rabel tradicional.
 
1922
Estrénase la zarzuela Un feixe de tapiegadas del compositor valdesanu Etelvino Méndez, con lletra de Conrado del Villar.

Publícase Del folklore asturiano: mitos, supersticiones y costumbres, d’Aurelio de Llano.
Naz Obdulia González Zapico, en Cabaños (Llangréu).
Naz Modesto González Cobas, en Lluarca.

17 de septiembre de 1922
Festival del Folklore Asturiano n'Uviéu, organizáu por Eduardo Martínez Torner. El xuráu calificador taba formáu por: Benito Buylla, Galo Borbolla, Gonzalo de Merás, Baldomero Fernández, Juan Uría Ríu y Ramón Ochoa. Presidía Manuel Estrada, presidente de la Comisión de Festejos. Concursu de cantos: 3er premiu de 100 ptes. repartióse ente la neña Esperanza Fernández y Quin el Pescador. 2u premiu de 200 ptes. pa Carlos Cano Artamendi. 1er premiu de 300 ptes. pa Miranda.

4 d’ochobre de 1922
Naz José Fernández García, El Tordín de Frieres, na Peña la Collá (Llangréu).
 
1923
Juan Uría Ríu graba pa La Voz de su Amo un discu de 78 r.p.m. con vaqueiras
 
1924

Depués d'haber collaborao xuntos en 1914 nuna serie de conciertos-conferencies que s'iniciaron nel Paraninfu de la Universidá d'Uviéu, Torner cuenta otra vez con Cuchichi en 1924, xunto cola so fía Faustina que tenía 16 años, palos solos y canciones dialogaes qu'ilustraben les sos conferencies en Cuba y México, onde collecharon grandes triunfos.

Ingresa con 19 años Juanín de Mieres nel Orfeón de Mieres, del que formó parte durante 31 años.
Con 16 años El Presi funda col so amigu Luis Corujo y dos guitarristes el Cuarteto Los Pamperos.
Publícase la Esfoyaza de cantares asturianos, d’Aurelio de Llano.

Naz Ignacio Noriega García, el Gaiteru de San Roque l’Acebal, que colos años va convertise nún de los gaiteros más reputaos del oriente d’Asturies.

10 de xineru de 1924
Naz Carlitos Fernández Solís, en Muries (Ayer).

24 d’ochobre de 1924
Naz Aníbal Menéndez Corujo, en La Felguera (Llangréu).

19 de payares de 1924
Naz Laudelino Alonso Lorenzo, en Los Pontones (Mieres).

 
1925
Primeres grabaciones en discu de La Busdonga.
L’Orfeón de Mieres algama’l primer premiu del Certamen Nacional de Masa Corales, cellebráu en Vigo.

18 de mayu de 1925
Naz Celestino Rubiera, en Pión (Villaviciosa).
 
1926
Juanín de Mieres intervién nel Teatru Campoamor xunto a Los Cuatro Ases.

Los Cuatro Ases graben el primer discu en San Sebastián cola compañía Regal, nel que canten en xunto y por separao.

Naz Fidel Díaz Gutiérrez, en L’Agüeria Carrocea (Samartín del Rei Aureliu).

3 d’agostu de 1926
Emprima a funcionar la primer emisora de radio n’Asturies, Radio Asturias.

26 de septiembre de 1926
Naz Fidel Díaz Gutiérrez en L'Agüeria de Carrocera (San Martín del Rei Aureliu).
 
1927
Na estrena de la película Bajo las nieblas de Asturias, Juanín de Mieres canta dende’l patiu de butaques, con acompañamientu de piano y tamién delles veces siguíu pola tiple mierense Consuelo González. L’ésitu fue tan grande que nes proyecciones por Asturies de la película siguiendo tando presente Juanín de Mieres.
 
1928
En febreru de 1928, l'Orfeón Ovetense y la Coral Vetusta organicen un conciertu nel Teatru Campoamor y dediquen una parte a la canción popular asturiana cola intervención de los sos solistes: Quin el Pescador, Xuacu el de Sama, Manolo el Panaderu, Esperanza García, Faustino Granda, Fernando Martín Cuervo y Los Cuatro Ases.
Arsenio Fernández, El Polenchu, algama’l primer premiu del concursu de tonada de Les Cubes.

Naz Román Prieto Martínez, en Boo (Ayer).

Fórmase en Xixón la Compañía Asturiana, dirixida por Joaquín Sánchez, debutando nel Teatro Principado d'Uviéu. Ente los sos componentes ta El Presi. Comienza nesta formación a interpretar canciones a la guitarra como "Carromateros", "A la salida del Sella", "Viva la xente minera", "Debaxu del campanariu"...

Fórmase la Coral Jovellanos, dientru de la Juventud Mariana de Xixón, contando ente los sos fundadores al compositor Sergio Domingo.

Conciertu n'Oporto de Los Cuatro Ases,única salida d’esta formación al estranxeru.

16 de xunu de 1928
Naz Juan Antonio García Suárez, el Gaiteru Veriña, en Poago (Xixón).
 
1929
Los Cuatro Ases na Exposición Internacional de Barcelona. En 1929 y depués de la so actuación na Exposición Internacional de Barcelona ante Alfonso XIII, el gobiernu premió la executoria de cada ún de los componentes del Cuartetu Los Cuatro Ases cola medalla al méritu del trabayu.

Naz Gerardo Orviz Iglesias, en Santa Bárbara (Samartín del Rei Aureliu).
 
1930
Disuélvese la Coral Jovellanos, dirixida por Sergio Domingo y de la que formaba parte José González, El Presi.

Fórmase l’Orfeón Gijonés, dirixíu por Ángel Embil.

3 d’agostu de 1930
L’Orfeón de Mieres organiza nel patiu de Liceo una gran danza prima, interpretando’l romance de Ai un galán d’esta villa, p’agasayar a Ramón Menéndez Pidal y a Eduardo Martínez Torner, presentes nel actu.
 
1931
Publícase "20 canciones asturianas" de Manuel del Fresno y Pérez del Villar.

Naz Juan Uría Maqua, en Noreña, fíu de Juan Uría Ríu.
Naz Domingo González Cerredo, n’El Rebollal (Degaña), que colos años va mantener viva la tradición de los tocadores de xipla y tambor, nes dances de palos.
Muerre a la edá de trenta años Laureano Menéndez, Lauro.

25 de xunetu de 1931
Naz Avelino Agüeria González, en Les Cubes, L’Agüeria Villar (Llangréu).
 
1932
Muerre n'Uviéu Víctor Sáenz Canel.
Fórmase’l Coro Santiaguín, en Llangréu, del que van formar parte importantes cantadores como Josquín Martínez, Xuacu’l de Sama, José Santos Arbesú, El Pantusu, Ricardo Loredo Alonso, Emilio García, Pumarón, o Ricardo Fernández Fernández González, Chisteru.

21 d'ochobre de 1932
Muerre Ramón García Tuero, el Gaiteru Llibardón.
 
1933
Naz Veneranda Fernández Muñiz, en Felechosa (Ayer).
Nel senu del Orfeón Gijonés créense lod ochotes Pelayo y Jovellanos.
 
1934
Falleció n’Uviéu el compositor Baldomero Fernández, depués de pasar dafecho na miseria los caberos años de la so vida, acompañando al piano les proyecciones de cine de la capital.

Primera actuación de Silvino Argüelles, con 15 años d'edá, nel Cine Vegadotos de Mieres.

Naz Marcelino Fernández Meré, El Manquín de Les Arriondes, en La Roza, Les Arriondes (Parres).

Naz Armando Montes Fernández, en Bimenes.
25 d’avientu de 1934

Naz José Ramón Montes Menéndez, Ito’l Farucu, en Frieres (Llangréu).
 
1935
Naz Manuel Gandoy Zapico, nel Cabanín, en L’Agüeria d’Urbiés (Mieres).

Naz Manuel González González, Manolo Ponteo, en Quexu, Les Regueres.

17 de xunetu de 1935
Naz Laudelino García Palicio, en Frieres (Llangréu).

5 d'agostu de 1955
Naz Margarita Blanco Alonso, na Collada (Sieru), nel senu d’una familia de cantadores de tonada.

22 de payares de 1935
Función a beneficiu de Xuacu'l de Sama nel Salón París de La Felguera, que s’alcuentra, a la edá de 35 años, mui enfermu. Los sos amigos dedíquen-y dos funciones a baneficiu suyu. Collaboren, ente otros, Quin el pescador, Juanín de Mieres, José Santos Pantusu...

18 d'avientu de 1935
Muerte de Xuacu'l de Sama, na so casa de la travesía Hospital, de Torre d'abaxu, de Ciañu.
 
1936
Naz Manuel Fernández González, El Fogoneru, en Samartino, Villayana (L.lena).
Naz el periodista Oscar Luis Tuñón González, en Morea d’Ayer.

7 de xunu de 1936
Naz Manuel Fernández Suárez, Manolo Delgado, n’Uviéu.
18 d'agostu de 1936

Naz Aquilino Ferrera Rodríguez en L'Agüeria de Carrocera (San Martín del Rei Aureliu).
 
1938
Muerre na cárcel del Coto de Xixón Pachín de Melás
Naz Enrique García Palicio, L’Abogáu, en Frieres (Llangréu).

19 de payares de 1938
Naz Sixto Fuentes Lada, en Les Cubes (Llangréu).
 
1940
La película Marianela, de Benito Perojo, rodada en parte nes mines de Figareo, incorpora tonaes asturianes nes voces de Juanín de Mieres y José Crespo Bobes, Gasparina.
 
1941
Naz José Nicolás García Fernández, Sepu, en La Figar (Llangréu).
 
1942
Cola muerte de Botón, n’Uviéu, disuélvese’l Cuartetu de Los Cuatro Ases.

Naz Luis Estrada, en Seloriu (Villaviciosa).

Naz Alfredo Canga Suárez, Alfredo’l de Les Pieces, en L’Artosa (Samartín del Rei Aureliu).

Naz Máximo Solís Lada, n’Orillés (Ayer).
22 de septiembre de 1942

Naz Manuel Roces Roces, en La Mosquitera, La Nueva (Llangréu).
15 d'avientu de 1942
Naz Francisco Escobar Díaz, en Campiellu (Teberga).
 
1943
26 de mayu de 1943
Naz Alejandro Fernández González, El Guaje, en Les Edreres, La Nueva (Llangréu).

18 d’agostu de 1943
Naz José García González, El Che de Cabaños, en Cabaños (Llangréu).
 
1944
Paco Arias de Velasco organiza'l primer concursu de canción asturiana de Radio Oviedo.

Publícase Folklore y Costumbres de España de F. Carreras y Candi. El tomu II incorpora "La Canción Tradicional" d'Eduardo M. Torner.

La película Altar mayor, que de mano diba ser protagonizada por Juanín de Mieres, acaba sirviendo de llanzamientu del actor asturianu José Suárez.
 
1945
Naz María Luisa Díaz Ordóñez, n’Artosa (Llangréu).
12 de xunu de 1945

Naz José Luis Fernández Álvarez, El Ruiseñor de Langreo, en Mieres.
 
1946
Refúndase’l Coro Santiaguín, depués del paréntesis de la guerra civil y de la postguerra.

3 d’agostu de 1946
Naz Lázaro Espina Fernández, en Les Cuestes (Llangréu).
 
1947
Preséntase al públicu nel Teatru Xovellanos de Xixón el Coro Asturiano Sergio Domingo, con un repertoriu compuestu dafechamente por obres d’esti compositor.

7 de xineru de 1947
Naz Avelino Fernández Corte, en Lleres (Sieru).
 
1948
El diario Región organiza’l I Concurso Popular de la Canción Asturiana, que ganó José Requejo, al que se-y concede’l títulu de Campeón de la Canción Asturiana. El II Concurso gánalu Aníbal Menéndez y Veneranda Fernández. El III Concurso gánalu Juanín de Mieres, qu’actuara fuera de concursu. Esti Concursu fue impulsáu por Antonio Aza González, director del diariu, y el periodista Ricardo Vázquez Prada, y va celebrase nel salón Babel d’Uviéu, siendo retresmitíu en directu por Radio Asturias. El primer xuráu entamáronlu Cuchichi, Miranda, Aquiles Sorribas y Juan Uría Ríu, actuando’l periodista Roberto Velázquez Riera como secretariu.
Con 24 años comienza a cantar en públicu Laudelino Alonso Lorenzo, les canciones qu'aprendiera del so bisgüelu José Alonso. La so primer actuación en públicu fue nel Concursu de Canción Asturiana del diariu Región, dirixíu por Ricardo Vázquez Prada.

Con namás doce años, Aquilino Ferrera Rodríguez gana’l concursu de tonada de La Pomar.

De 1948 a 1966 celébrase Rumbo a la Gloria, de Radio Oviedo.

Naz en Mañones (Tinéu), la cantadora Mari Luz Cristóbal Caunedo.

Segunda refundación del Orfeón de Mieres, depués del parémtesis de la guerra civil y la postguerra, de nuevo baxo la batuta del que fuera’l so director Reinerio García.

19 d'ochobre de 1948
Santos Luciano Alonso Muñiz, Santos Bandera, muerre mientres realizaba unos trabayos de corta de madera, trabayando como vixilante xuráu pa una empresa minera, a la edá de 53 años.
 
anteriorarribasiguiente
 
 
"40 Canciones Asturianes", por Baldomero Fernández
José Remís Ovalle
Xuacu'l de Sama
El Polenchu
Gerardo Orvíz