Bio

Ismael María González Arias

(Uviéu, 1958)

 

Escritor y productor musical.
Diplomáu en Xestión d’Empreses Culturales pol ESADE de Barcelona, Posgraduáu en Xestión Cultural y Territoriu pol IUDE y la Univerdidá d’Uviéu y Máster en Comunicación Multimedia pol IEDE de Madrid, ye director de la Casa de Cultura “Teodoro Cuesta” de Mieres y del programa “Música, músiques” na Radio del Principáu d’Asturies.

 

Premiu de Novela “Xosefa Xovellanos” del Principáu d’Asturies por El cuartu negociu (1992) y En busca de Xovellanos (2005), Premiu d’Ensayu “Fuertes Acevedo” con L’Asturianada (1998) –xunto al so hermanu Xaime Arias-, y Premiu de Periodismu “Enriqueta García Rubín” pol artículu “La tonada como música culta asturiana” (2004) nel diariu La Nueva España.

 

Ye columnista selmanal del diariu La Nueva España (“Folganza”), el diariu El Comercio (“Opinión”) y el selmanariu Les Noticies (“La voz de la tierra”), así como autor para La Voz de Asturias de la Historia de la Música Asturiana (2007) en fascículos.

 

Amás de les citaes, tien publicaes les siguiente noveles: Mediaos del 69 (2007), El tiempu de Manolo (2005) y La boda del añu (2002). Asina comolos siguientes llibros: Cronoloxía de la música asturiana (2004), L’Asturies Cismontana (2003), Cantares de Llanes (2003), Les Cuarenta Principales (Cancioneru de Mieres) (2000 y 2001, 2ª ed), Diccionariu de la llingua (y otros órganos sexuales) (2001), Píde-y cuentes a Quirós (2000), L’Asturianada (1998), Programación comunicativa sobre un textu clásicu (1990) y Fálame, fála-y (1988).

 

 

Semeyes de descarga pa los medios

 

1992 Mieres		2003 Avilés		2004 Mieres
Ernesto Ruiz Leivar		Saúl Fernández		Abel Arias

 

2005 Tánxer		2006 Turón		2007 Mieres
Abel Arias		Daniel Mordzinski		José Ramón Silveira